VORANKÜNDIGUNG

03.09.2010 Parsberg/MB - Das Dorf rockt

www.sv-parsberg.de

ACHTUNG!!! Preissenkung im Online-Shop.

z.B. Cap für 5,-- Euronen

Gleich reinschauen und zuschlagen!!!!!!!!!!!!

----------------------------------------------------------------------------------------------------

News 23.06.2010

Die Sonne auch nicht lacht, wenn Oache Bothers Musi macht

Seas beinand und herzlich Willkommen zum fröhlichen Newsbereich-Marathon.

Es begrüßen euch da Max und da Bull.

Wir haben wieder ein ereignissreiches Gig-Wochenende hinter uns gebracht.

Den Anfagen machten wir am Freitag bei den Schaftacher "Easy Days".
Aufgrund der aktuellen Wetterlage war die erste Mission den Hänger so nahwie möglich ans Zelt zu bringen um nicht schon vor Beginn nass bis auf die Unterhose zu sein. Des hod a fürs erste ganz gut geklappt.

De Schaftlacher ham sie wieder an haufn arbeit gmacht und a ausgezeichnetet Festllocation aufbaut, oder wos moanst du Max?

Ja Bull, sauba ham'sas hergricht, rundum wetterfest und die legendären RiesenBurger zum selberbauen hod's aa wieda gem.
Oiso, alloah de Burger san an Festlbesuch bei de Schaftlacher wert!
O'gfanga hod des Festl mit de Punkrocker vo Cherry Pie

De ham sauba oan aufghoizt. Guad Buam, macht's weida so!
Ja, und nach a baar Riesenburger, einem 0:0 der Engländer (wos ma si heutzutage hinterm Mischpult per iPhone o'schaut :-)
gings dann los mit der CountryRockParty, die dank der wahnsinnigen Unterstützung von unsere Licht- und Tonmischer von "Barrell-Light&Sound"
(auf boarisch: Banzä - Liacht und Musi) so richtig ab'ganga is.

Oiso Bull, des muaß ma 'da lassen: a sauba's Liacht host gmischt!  

 Ja Merce Max.
Nachdem unser etatmäßiger Mischer, Da Wedel, in Urlaub gefahren ist (Kon i überhaupt ned versteh bei dem traumhaften Weda),
ham wir an alten bekannten für die Soundregeler aktiviert.
Der einen oder andere kennt in vielleicht noch als Bassist auf der "Schee war da Sommer"-CD.
Die rede ist vom Klaus "Huaddauscher" Jedelski bzw. neuerdings Klaus "i kaff ois wo a Apfel drauf is" Jedelski.
Böse Musimoasda-Zungen behaupten das mir Brüder wern, keine Ahnung wia der do drauf kimmt.
Ja da Klaus hod sie ned lumpn lossn und hod einen astreinen Sound in des Zelt gezaubert.
Merce und schee das´d moi wieder dabei warst, Klaus.

Ja und noch einer kurzen Einweisung vom Wedel am Liacht-Pult hob mi i an de Regler von demselbigen probiert.
Und noch der einen oder anderen Auseinadersetzung zwischen Pult und mia, san ma uns dann scho einig worn.

Am Anfang warns ja no recht verhalten de Leid, aber wia sa sie dan eipegelt ham wurde de Bude gerockt. Dad i sogn.Aber wia Du! I hob's recht lustig gfunden:

 Wenn mia Pause gmacht ham, war des Zelt leer und die Bar voll. Hamm mia wieder s'Spuin o'gfangt, na war nach a paar Takten s'Zelt wieder voi. :-)

Wia bei der Reise nach Jerusalem....Wenn d'Musi s'spuin aufheat, na muaßt ganz schnäi in d'Bar geh und Dir a HavanaSchorle rauslassen, sonst bist' raus! :-) Jedenfois, uns hods gfreid, dass'ma heuer wieder bei Eich z'Schaftlach spuin hom deafn!

Meaßä an die Veranstalter, an die ganzen Helfer, RiesenBurgerGrillmeister, Schankkellner, einfach alle helfenden Hände....aa an' Raab Werner für seine genialen "Lebensweisheiten" ;-) 

So Bull, am Samstag waren mia ja scho'wieder unterwegs...Lucky Lake Open Air......bei dem Wetter hätt'ma aa Lucky Lett'n sagen kenna. :-) Bull, vazäih amoi, wia war is denn der Dog o'ganga?

Nachdem ja mir ois oanzige Band a richtiges bzw. normales Schlogzeig gabt ham, ham mir scho um 17 Uhr vor Ort sei miasn.
I hob de Ehre kappt das i mim Musimoasda mit nach Raisting zum fahrn.
Nachdem a mi, rein Geschichtentechnisch, wieder auf dem laufenden brocht hod (Ja so a chinesischer Turm hod scho wos)
Sann ma um ca. 17 Uhr bei strahlenden Wasserfällen in Raisting aufgschlogn.
Kurz an 4WD neikaut und ab ind Lettn die die Welt bedeuten.
Kurz drauf is dann a scho da Bob am Gelände aufgeschlagen.

Dann san ma glei zur Tat geschritten und ham as Schlogzeig, so wiast as uns glernt host Max, aufbaut.
Da ja koa Drumworkshop war, war des a relativ schnei passiert.

Nachdem ma gmoand ham das du a glei kimmst ham mir uns ned weiter mim Soundcheck aufkoidn und ham den Grill in beschlag gnomma.

Da Musimoasda is zum Grillmoasda mutiert und hod solang Würstl grillt bis koane Semmeln mehr do warn.

Die Raistinger ham in Ihrer Begeisterung den Grillplatz nicht mehr verlassen und lauschten den den Worten des Musi bzw. Grillmoasdas. Mir ham dann festgstait, dass du und da Christian doch ned glei kema, ja wo habts den eich rumdrim?
Kurzerhand wurde der Veranstaltungstechniker verpflichtet den Schlogzeig-Soundcheck durchzuführen.

Mir ham uns dann nach der harten Arbeit a Pils gegönnt und an uns schon bekannten Lagerfeuer das traumhafte Wetter genossen. Ganz nach dem Motto: übern Feuer is koa Regen

Und "Regen" is des Stichwort....der Christian und i, mia san deswegen erst später nach'kemma, weil wir am Nachmittag einen noch einen anderen Gig gehabt hätten....der wegen Regen dann ausgfoin is...deshalb hattet's ihr die Ehre und durftet's das neue Oache's Proben-Set aufbauen (O-Ton Musimoasda: da Wahnsinn, jetzt kaff' i scho Instrumente, de i selber gar ned spuin konn...)...Mein Drumset war ja noch mit mir in Bad Wiessee... Jetzt aber moi wieder zum Gig zruck. In Raisting war trotz dem schlechten Wetter doch a Haufen los. Okay, Wally Warning und Root Bootleg Band san aber aa echt guade Bands....und na kemman mia Hans-Grill-Wurschten aa no daher. :-D
Ab hoibe oans ham mia dann die Bühne gerockt...egal wia koid dass' war, warm o'ziang und losspuin lautete die Devise. Du hast Di dawei mit der neuen Sportart "Lettenhoiz-Surfing" warm ghoitn, oder Bull?

Ja Max wos ma natürlich ned vergessen dearf is unser kurzer Besuch bei da Wirtschaft mim Bären aus Hoiz wos a saichdan bäriges Rumpsteak gem hod. Mei her mir auf war des do eine Lettn. De Raistinger ham sie wirklich brutal mühe gem und 6 Kipper Hackschnitzel verteilt.
Aber so ein Hackschnitzel ansich is hoid doch dann irgendwann durchgwoacht.
Ein riesen Kompliment geht aber a an alle Besucher de bei diesn
traumhaften Wetterbedingungen, für an Pinguin ausm Kühlschrank, so lang auskoidn ham. 
Bühnen, Licht und Ton-technisch ham sie a ned lumpn lossn, war scho a absolut professioneller Aufbau, ge Max.

Ja Wahnsinn, so stell ich mir eine Bühne vor...und auch die PA, Mikro's, etc. die da zur Verfügung gestellt wurde...de ham si echt ned lumpn lassen!
Meaßä nummoi an die Techniker...aa, wenn's ma de teuren Mikrophone nicht schenken wollten. :-)
Warum ma aber bei dem Wetter unbedingt von der Bühne einen Stage-Dive mitten in die Lett'n machen muaß...des woaß i bis hait no ned, aber scheinbar is des ab einem bestimmten
"Feuchtigkeitspegel" scho wurscht....(aa, wenn a verwaschenes OacheBrothers T-Shirt dran glauben muß...aber, des is hoid jetzt "geäidscht", oder wia da Musimoasda song daad: "Mei, damals bei Rock im Park, do hätt des T-Shirt scho nach 10 Minuten so ausgschaut...   :-)

Alles in allem daad i sagen, war's ein recht erfolgreiches Wochenende und vor allem ein sehr lustiges Wochenende.

Meaßä an die Schaftlacher, an die Raistinger, an den Klaus (i kaaf oiß wo a Apfel drauf is) Jedelsky, an die vielen Helfer z'Schaftlach und z'Raisting, an die Wirtschaft mit'm Bär für des säichdan guade Rumpsteak, an die Techniker für die sakrisch guade Bühne und den Sound, an alle Stagediver und diejenigen, die selbige nimmer auffanga kenna und deswegen selber in der Lett'n landen, an Wally Warning, an die Root Bootleg Band, alle RiesenBrugerselberbauer und und und....

So Bull, wia geht's denn jetzt eigenlich weiter?!?

In den nächsten Wochen gehts ned nur in die heisse Phase der WM (OLE OLE super SCHLAAAAND OLE OLE) sondern de nächsten beiden Freitage stehen unter dem Motto "Country-Rock meets Punk-Rock"

Wir teilen wir uns die Bühne mit den Burschen von SCOREFOR.Am 25.06.2010 san ma in Haxnzam ahhh Sachsenkam zu Gast, der SV Sachsenkam richtet am Sportplatz sein Sommerfest aus. Auch noch mit dabei sind The Rigthburgers die den Abend um ca. 20:00 Uhr eröffnen.Am 02.07.2010 san ma dann in Waakirchen zum "Das ganze Dorf rockt" in der Splitt-Halle.Da de SCOREFOR-Burschn a recht griabige und lustige Zeitgenossen san, kannt i mir vorstain das des ausgezeichnete Veranstaltungen wern.Alle weitern Termine wie immer unter Gig´s.

Auch auf Facebook haben wir eine Gruppe wo wir euch mit News versorgen.So Max i war dann soweit durch fürs erste, mächst du no wos loswerden an unsere veehrten Leser?Ja klar!eins und zwei und drei und vierundfünfzig vierundsiebzig neunzig zweitausendzehn.....!!!! Schwaaaaaaaaaaarz und Weeeeeeeiiiiß wir steh'n an eurer Seite....!!!!

 ...siemundfünzig, achtundfünzig, neunundfünfzig, seeeeechzig!!!!.....aah hoidt, des kimmt ja erst wieder in a paar Wochen dran. :-)....SCHLAAAAAAAAAAAAAAAAND!!!!!Ansonsten daad i song...Macht's Eich locker, laßt's Eich geh...d'Sunna scheint wieda, is des ned schee?!? Mei Max fang doch jetzt ned mid de blauen o, 2.Liga Fussball interessiert ja wirklich gar koan.

So jetzt reichts aber für heid.I dad sogn bis Freitag.Machts as guad und bis dann.

Seas Max und Bull

 03.09.2010 Das Dorf bebt - Parsberg/Miesbach

www.sv-parsberg.de